Cronica Fatima vs Zona Vella (1-1)

Partido xogado na tarde do domingo 12 de decembro no campo Manuel Paz entre un Fátima que viña de meterlle 7 goles ao Urban, e o Zona Vella Compostela que viñamos de caer co líder Belvís.

Neste encontro houbo dous cambios destacables, un obrigado en defensa, onde Juanvi optou por recuperar a Jimmy á posición de central, dada a baixa de Isma pola expulsión no ultimo partido, e outro na dianteira, onde apostou nesta ocasión por Ama deixando a Javi no banco.

O encontro comezou vibrante, con ocasións nos dous lados, nos primeiros minutos, o Fátima desperdiciou unha ocasión cun balón que foi ao poste, mais a resposta non se fixo agardar e aos poucos minutos chegou o primeiro gol do Zona Vella.

Nesta primeira parte e pese á condición de visitantes, o ZV tomou o control do partido, pero un Fátima ben plantado desbaratou as posibilidades de incrementar o marcador.

A segunda parte comezou como finalizou a primeira, se ben o ZV ía perdendo forza, e o Fátima chegaba de forma mais clara. Conforme pasaba o tempo, desaparecía o xogo e o medio do campo, pasando o balón dunha área á outra.

Unha entrada a destempo provocou a expulsión dun xogador do Fátima, sen embargo isto non os botou atrás, e seguiron loitando. Nunha destas chegadas, formouse u barullo na área que finalizou co balón dentro da portería, colocando o empate que sería xa definitivo.

Nesta segunda parte Juanvi deu descanso a Fer, que pese a arrastrar unha pequena lesión quixo estar no campo, e substituíu tamén a Ama por Javi, se ben este pouco durou no campo, xa que tras un erro do árbitro, Javi, cabreado, lanzou un pelotazo ao linier que estaba a 10 metros del (non se sabe se por casualidade ou por puntería calculada, pero o certo é que lle dou) O linier fala co árbitro e vermella directa.

Pouco mais que destacar salvo que a piques de rematar, un balón loitado por Jimmy cun xogador do Fátima (deses balóns que Jimmy pelexa coma se fose a vida nel) remata coa segunda amarela e expulsión. Cabe sinalar que ao finalizar o partido éste xogador voltou ao campo e desculpouse co xogador rival e o árbitro despois de ter deixado o campo un pouco encendido por unha segunda tarxeta inxusta.

Ao final un empate que sabe a pouco aos dous equipos, e o Zona Vella con dúas baixas por vermella para o vindeiro partido. Sinalar por último o bo ambiente na grada entre as dúas afeccións e a amabilidade da directiva do Fátima.

As miñas conclusións:
1.- Seguimos baixos de forma física, moi ben na primeira parte, na segunda nos desfondamos, e isto nótase, e moito, no xogo, perdemos circulación de balón e damos espazos aos rivais.

2.- Non sabemos xogar ao fútbol sen balón. Seguimos sendo expulsados por protestar decisións arbitrais. Cando un árbitro pita, de nada sirve protestar, aínda non vin ningún que cambiara unha decisión polas protestas dos xogadores, pola contra si que vin moitas tarxetas por isto, é algo que debemos pensar.

3.- Jimmy ten un “cable pelao”, e ás veces fai curtocircuitos que o bloquean, polo demáis é un gran xogador que fixo un magnífico traballo como central. A ver se esta semana de descanso faille reflexionar, e coloca o USB no seu sitio...

4.- Grande Tato, especialmente na segunda parte sacando balóns atrás e cortando os ataques do Fátima. Na primeira parte luciuse cunha “espaldinha”.

5.- Bó traballo dos demáis en xeral, César, Fer, Juan, e todos os demáis, ioncluso aqueles dos que ainda non sei os nomes.

Ia Rodríguez
Secretario Zona Vella Compostela.